واشنگٹن ۔ امریکا کے سینئر فوجی حکام نے دہشت گردی کے خلاف جنگ میں پاک فوج کے کردار کی تعریف کرتے ہوئے کہاہے کہ دونوں افواج میں تعاون بڑھنے سے افغانستان اور قبائلی علاقوں میں تشدد کے واقعات میں کمی آئی ہے۔امریکی اخبار سے انٹرویو میں امریکی فوج کے میجر جرنل جے فری شلوسر نے کہا کہ ماضی کے مقابلے میں پاک فوج اور امریکی افواج میں تعاون بڑھاہے۔ جس کے باعث افغانستان اور پاکستان کے قبائلی علاقوں میں تشدد میں کمی آئی ہے۔جے فری نے دہشت گردی کے خلاف جنگ میں پاک فوج کے کردار کی تعریف کرتے ہوئے کہاکہ افغانستان میں جاری آپریشن ’’لا ئن ہارٹس‘‘ کی کامیابی پاک فوج کے تعاون کے باعث ہوئی ہے کیونکہ پاک فوج کی کارروائی کے نتیجے میں افغانستان میں عسکریت پسندوں کی درانداری میں کم ہوئی ہے۔میجر جرنل جے فری نے کہاکہ پاک افغان سرحد پر مانیٹرنگ روم قائم کیاگیاہے جس میں پاکستان، افغانستان اور امریکی افواج بیٹھی ہے اور یہاںسے قبائلی علاقوں میں جاسوس طیاروں کی ویڈیو اور عسکریت پسندوں کے درمیان موبائل پر گفتگو اور دیگر معلومات پاکستانی حکام کو دی جاتی ہے جس کے بعد جمہوری حکومت نے عسکریت پسندوں کے خلاف کارروائی سخت کی ہے۔پاک فوج کے ترجمان میجر جنرل اطہر عباس نے بھی ایک انٹرویو میں کہاہے کہ افغانستان میں آپریشن لائن ہارٹ اور قبائلی علاقوں میں پاک فوج کی کارروائی کے باعث تشدد میں کمی واقع ہوئی ہے
Posted by Editor as Pakistan News at 10:21 PM JST