میرانشاہ ، شمالی وزیرستان کے علاقے علی خیل میں امریکی جاسوس طیارے کے دو میزائل حملے میں 3 غیر ملکیوں سمیت 6 افراد جاں بحق جبکہ 6 زخمی ہو گئے ۔ اطلاعات کے مطابق شمالی وزیرستان کے گاؤں علی خیل میںمولوی خالق نور کے مکان پر علی الصبح 3 بجے امریکی جاسوس طیارے سے دو میزائل فائر کئے گئے ۔ غیر ملکی خبررساں ادارے کے مطابق مکان میں شدت پسند مقیم تھے ۔ حملے میں مکان مکمل طور پر تباہ ہو گیا اور 5 افراد مارے گئے جن میں 3 غیر ملکی بھی شامل ہیں جبکہ 6 افراد زخمی بھی ہوئے ۔ سرکاری ذرائع نے میزائل حملے کی تصدیق کر دی ہے واضح رہے کہ شمالی وزیرستان میں رواں ماہ نومبر میں پانچ میزائل حملے کئے گئے ہیں جس میں غیر ملکیوں سمیت متعدد افراد مارے جا چکے ہیں پاکستانی قیادت کی جانب سے بارہا ان حملوں کی مذمت ‘ انہیں غیر قانونی اور پاکستانی حاکمیت اعلیٰ کی توہین قرار دینے کے باوجود امریکہ کی جانب سے حملوں کا سلسلہ جاری ہے ۔ یاد رہے کہ دو روز قبل کالعدم تنظیم کے ترجمان احمد اللہ احمدی کی جانب سے میزائل حملے پر جوابی کارروائی کرنے کی دھمکی کے بعد یہ پہلا میزائل حملہ ہے

Posted by Editor in Pakistan News