میں نے جو کچھ کیا قانون اور آئین کی بالادستی کے لیے کیا
وکلاء تحریک نے معاشرے کے تمام طبقات کو متحد کر دیا ، پنسلوانیہ لاء کالج میں تقریب سے خطاب
فلاڈیلفیا ۔ معزول چیف جسٹس افتخار محمد چوہدری نے کہاہے کہ پاکستان ایک انقلابی عمل سے گزر رہا ہے اور یہاں آزاد عدلیہ کے قیام تک وکلاء کی جدوجہد جاری رہے گی ۔ معزول چیف جسٹس افتخار محمد چوہدری نے فلاڈیلفیا میں پنسلوانیہ لاء کالج میں اپنے اعزاز میں دی گئی تقریب سے خطاب کرتے ہوئے کہا کہ انہوںنے جو کچھ کیا وہ قانون اور آئین کی بالا دستی کے لیے کیا ۔انہوں نے کہاکہ وکلاء کی تحریک نے معاشرے کے تمام طبقات کو متحد کر دیا ہے۔ پاکستان میں عدلیہ کی بحالی اور قانون کی حکمرانی سے بیرونی سرمایہ کاروں کی حوصلہ افزائی ہو گی ۔ خطاب کے دوران انہوںنے سپریم کورٹ بار کے سابق صدر منیر اے ملک کی عدلیہ کے حوالے سے خدمات کو سراہا اور پنسلوانیہ لاء کالج میں زیر تعلیم منیر اے ملک کی صاحب زادی کو سٹیج پر بلا کر اپنے ساتھ بٹھایا
Posted by Editor in Pakistan News