سوات میں شدت پسندوں کے خلاف فورسز کی کارروائیاں جاری ‘ ہلاکتوں کا خدشہ

چکدرہ میں اسکاؤٹس قلعے پر دو راکٹ فائر ‘ کوئی جانی نقصان نہیں

مسجد میں خود کش حملے میں جاں بحق ہونے والے 10 افراد کی نماز جنازہ بدآن میں ادا کردی گئی

باجوڑ+مینگورہ+چکدرہ ۔ باجوڑ ایجنسی کی تحصیل ماموند کے علاقے سپرئی میں جیٹ طیاروں کی بمباری سے افغان کمانڈر شاہ خالد 6 ساتھیوں سمیت ہلاک ہو گئے ہیں، بمباری کے نتیجے میں متعدد شدت پسند زخمی ہو گئے ہیں۔ادھرلوئر دیر کے علاقے چکدرہ میں اسکاؤٹس قلعے پر نامعلوم افراد نے دو راکٹ فائرکیے تاہم کوئی جانی نقصان نہیں ہوا جبکہ سوات کے علاقوں کبل، خوازہ خیلہ،اور مٹہ میں سیکیورٹی فورسز کی جانب سے شدت پسندوں کے ٹھکانوں پر گولہ باری سے ہلاکتوں کا خدشہ ہے۔ کبل میں پندھوریں روز بھی کرفیو برقرار ہے،مینگورہ میں شدت پسندوں نے وڈیو سینٹر اور الیکٹرونکس کی دکانوں کو نذر آتش کر دیا۔ تفصیلات کے مطابق باجوڑ ایجنسی کی تحصیل ماموند کے علاقے سپرئی میں جیٹ طیاروں کی بمباری سے افغان کمانڈر شاہ خالد 6 ساتھیوں سمیت ہلاک ہو گئے ہیں، بمباری کے نتیجے میں متعدد شدت پسند زخمی ہو گئے ہیں۔ ذرائع کے مطابق تحصیل ماموند میں حالات کشیدہ ہیں اور شدت پسند دوبارہ مضبوط ہو رہے ہیں۔ فورسز نواگئی کیجانب مسلسل پیشقدمی کررہی ہیں،چہارمنگ ، اور نواگئی میں گولہ باری شدت پسندوں کے ٹھکانوں پر فورسز کی گولہ باری جاری ہے۔ ادھر ماموند کے علاقے بدان میں مسجد میں خود کش حملے میں جاں بحق ہونے والے لشکر کے سربراہ ملک رحمت اللہ سمیت 10 افراد کی نماز جنازہ بدآن میں ادا کردی گئی اس موقع پر قبائلیوں کی بڑی تعداد موجود تھی۔ ذرائع کے مطابق لوئر دیر کے علاقے چکدرہ میں نامعلوم افراد نے اسکاؤٹس قلعہ پر دو راکٹ فائر کیے جس پر سیکیورٹی فورسز نے بھی جوابی فائرنگ کی تاہم کارروائی میں جانی نقصان کی اطلاع نہیں ملی ۔ادھرسوات کے علاقوں کبل، خوازہ خیلہ،اور مٹہ میں سیکیورٹی فورسز کی جانب سے شدت پسندوں کے ٹھکانوں پر گولہ باری سے ہلاکتوں کا خدشہ ہے ۔کبل میں پندھوریں روز بھی کرفیو برقرار ہے، اور فورسز کی کارروائی جاری ہے۔ کبل اور خوازہ خیلہ میں جاری کرفیو کے باعث مینگورہ کا رابطہ دیگر شہروں سے منقطع ہو گیا ہے۔ مینگورہ میں شدت پسندوں نیکیبل نیٹ ورک کے دفتر کو نذر آتش کردیا،جس کی وجہ سے بھاری مالیت کے آلات جل کر تباہ ہو گئے، سوات کے مرکزی شہر مینگورہ میں شدت پسندوں نے حاجی باباروڈ پر واقع سرور مارکیٹ میں وڈیو گیم کی دکان جبکہ عباسی مارکیٹ میں الیکٹرانکس کی دو دکانوں کو نذر آتش کر دیا۔ آگ لگنے کے باعث دکانوں میں موجود لاکھوں مالیت کی اشیا جل کے راکھ ہو گئیں۔ اطلاع ملنے پر فائر بریگیڈ نے موقع پر پہنچ کے آگ پر قابو پالیا۔

Posted by Editor in Pakistan News