وزیر اعظم کے خصوصی مشیر برائے امور رحمان ملک نے کہا ہے کہ پاکستان مسلم لیگ کے سربراہ میاں نواز شریف اور وزیر اعلیٰ پنجاب میاں شہباز شریف کی جانب سے بھر پور تعاون اور قوم و ملک کو در پیش خطرات سے نمٹنے کے لیے مثبت کردار ادا کرنے پر میاں برادران کے شکر گزار ہیں۔ انھوں نے کہا کہ موجودہ صورت حال میں تمام سیاسی قوتوں کو اتحاد یگانگت کا مظاہرہ کرتے ہوئے متحد ہو کر پاکستان کی سلامتی کو در پیش خطرات سے نمٹنے میں حکومت سے غیر مشروط تعاون کرنا چاہیے۔ پاکستانی قوم کسی بھی چیلنج سے نمٹنے کی صلاحیت رکھتی ہے ۔ یہ بات انھوں نے رکن قوم اسمبلی حنیف عباسی کی رہائش گاہ پر سیکرٹری داخلہ کمال شاہ کے ہمراہ آمد کے موقع پر حنیف عباسی سے بات چیت کرتے ہوئے کہی، انھوں نے اس موقع پر حنیف عباسی کی بھابھی کی وفات پر گہرے رنج و غم کا اظہار کرتے ہوئے مرحومہ کے لیے مغفرت کی دعا بھی کی ۔ حنیف عباسی سے بات چیت کرتے ہوئے رحمان ملک نے کہا کہ پاکستان مسلم لیگ ن کی قیادت نے قوم کو در پیش خطرات کسے تناظر میں اتحاد و یگانگ کا جو پیغام دیا ہے اس سے پوری قوم بلکہ ہمیں بھی حوصلہ ملا ہے مسلم لیگ ن کی قیادت نے ہر مشکل گھڑی میں جس طرح ہمارا ساتھ دیا اس پر تہہ دل سے میاں برادران کے مشکور ہیں مشیر برائے داخلہ امور رحمان ملک نے کہا کہ قوم متحدہ ہے اور پاکستان کو در پیش کسی بھی جارحیت کا منہ توڑ جواب دینے کی اہلیت رکھتی ہے ۔ رحمان ملک نے اس موقع پر سیکرٹری داخلہ کو ہدایات دین کہ حنیف عباسی کی اپنی بھابھی کی وفات کے حوالے سے امریکہ روانگی اور وہاں قیام کے دوران انھیں ضروری سہولیات فراہم کی جائیں۔
Posted by Editor as Pakistan News at 11:01 PM JST