امت مسلمہ کی ترقی ، خوشحالی اور دنیا بھر میں غیر مسلموں کے قبضے سے اسلامی سرزمین کی آزادی کے لیے خصوصی دعائیں کی گئیں
مدینہ ۔مسجد الحرام اور مسجد نبوی میں 30 لاکھ سے زائد مسلمانوں نے عید الفطر کی نماز ادا کی۔سعودی عرب کے سرکاری ٹی وی کے مطابق نماز عید میں سعودی فرماں روا شاہ عبداللہ بن عبدالعزیز ، ولی عہد شہزادہ سلطان ، گورنر مکہ شہزادہ خالد الفیصل ، او آئی سی کے سیکریٹری جنرل اکمل الدین احسان اوغلو کے علاوہ شاہی خاندان کی دیگر اہم شخصیات نے بھی شرکت کی ۔ اس موقع پرحرم مکی میں سعودی شوریٰ کونسل کے سربراہ شیخ صالح بن حمید اور مسجد نبوی میں شیخ علی عبدالرحمٰن الحذیفی نے عید کا خطبہ دیا ۔حرمین شریفین کے آئمہ نے مسلمانوں کو اللہ رب العزت کا تقویٰ اختیار کرنے کی نصیحت کرتے ہوئے کہا عید الفطر اللہ تعالیٰ کا خصوصی تحفہ ہے ۔ مسجد الحرام اور مسجد نبوی کے آئمہ کرام نے اپنے خطبوں کے آخر میں امت مسلمہ کی ترقی اور خوشحالی اور دنیا بھر میں غیر مسلموں کے قبضے سے اسلامی سر زمین کی آزادی کے لئے خصوصی دعائیں کیں ۔ مسجد الحرام میں 20 لاکھ سے زائد جب کہ مسجد نبوی میں 10 لاکھ سے زاید مسلمانوں نے عید کی نماز ادا کی
Posted by Editor as World News at 10:58 PM JST