ڈیرہ اسماعیل خان ۔ ڈسٹرکٹ ہیڈ کوارٹر ہسپتال ڈیرہ اسماعیل خان کے ایمرجنسی وارڈ میں خود کش بم دھماکے میں کم از کم 28 افراد جاں بحق اور 40 شدید زخمی ہو گئے ۔ جاں بحق ہونے والوں میں اضافے کاخدشہ ہے ۔ آئی جی سرحد ملک نوید نے خودکش دھماکے میں 23 افراد کے جاں بحق ہونے کی تصدیق کی ہے ۔ اور کہا ہے کہ خودکش حملہ آور کی ٹانگیں مل گئی ہیں ۔ ذرائع کے مطابق ہلاک ہونے والوں میں پولیس اہلکار بھی شامل ہیں۔اطلاعات کے مطابق ڈیرہ اسماعیل خان کے ڈسٹرکٹ ہیڈکوارٹر اسپتال کے ایمرجنسی وارڈ میں دھماکا ہوا ۔عینی شاہدین کے مطابق دھماکا زور دار تھا اجس کے باعث متعدد افراد ہلاک وزخمی ہوگئے۔ دھماکے کے فوراً بعد مشتعل مظاہرین نے دھماکے کے خلاف سرکلر روڈ پر ہنگامہ آرائی کی ۔ ادھرآئی جی سرحد ملک نوید نے ڈیرہ اسماعیل خان ڈسٹرکٹ اسپتال بم دھماکے میں23ہلاکتوں کی تصدیق کی ہے۔ ایک نجی ٹی وی سے گفتگو کر تے ہوئے انہوں نے کہا کہ دھماکے میں متعدد افراد زخمی بھی ہوئے ہیں تاہم انکی مصدقہ تعداد بتانا ممکن نہیں کیونکہ زخمیوں کو مختلف اسپتالوں میں پہنچا دیا گیا ہے۔ دھماکے کی نوعیت کے بارے میں انہوں نے کہا کہ شواہد سے پتہ چلتا ہے کہ دھماکہ خود کش تھا ۔ انہوں نے کہا کہ خود کش حملہ آور کی ٹانگیں مل گئیں ہیں۔صوبے میں سیکیورٹی کے حوالے سے پوچھے گئے ایک سوال کے جواب میں انہوں نے کہا کہ صوبے بھر میں سیکیورٹی ہائی الرٹ کر دی گئی ہے۔

Posted by Editor in Pakistan News